10:15

Bakı 2015 I Avropa Oyunlarında atıcılıq yarışlarında mübarizə davam edir.

Axar.az xəbər verir ki, Bakı Atıcılıq Mərkəzində 3 növ üzrə yarışlar keçiriləcək.

Bu yarışlarda 3 Azərbaycan təmsilçisi də hədəf önünə keçəcək.

Dairəvi stend yarışlarında Emin Cəfərov və Paşa Əhədpur təsnifat mərhələsinin 2-ci günündə qüvvəsini sınayacaq. İlk gündə 70 xal toplayan Cəfərov 30 idmançı arasında 25-ci olubsa, Əhədpur 68 xalla 27-ci yerlə kifayətlənib.

25 metrdən tapança ilə sürətli atəş açmaqda Ruslan Lunyov çıxış edəcək. Snayperimiz əvvəl təsnifat mərhələsində hədəfi nişan alacaq.

Qeyd edək ki, təmsilçilərimizin çıxış etdiyi hər iki yarış saat 09:00-da başlayıb.

12:12

25 metrdən tapança ilə sürətli atəş açmaqda Ruslan Lunyov mübarizə aparır. Snayperimiz 1-ci təsnifat mərhələsində 290 xal toplayaraq, 7-ci olub. 2-ci təsnifat mərhələsinə saat 13:00-da start veriləcək.