Ana səhifə Bakı 2015 |
Batut gimnastikasında ölkəmizə bürünc medalı qazandıran İlya Qrişunin təəssüratını bölüşüb.
Axar.az xəbər verir ki, 26 yaşlı idmançı ailəsinin bu uğuruna sevindiyini deyib:
"Şadam ki, medal qazanmaqla, məşqçilərin və federasiya
rəhbərliyinin etimadını doğrultdum. Hələlik həyat yoldaşım və
uşağımı görməmişəm. Əminəm ki, onlar da çox şad olacaqlar. Anam
mənim çıxışımı evdən, televiziya vasitəsilə izlədi. Yəqin ki, bu
uğurum onu da sevindirib".
Qrişunin bildirib ki, medalçılar sırasına düşməyi əvvəlcədən
qarşısına məqsəd qoyub: "Psixoloji baxımdan yarışa yaxşı
hazırlaşmışdım. Nə bacarırdımsa, etdim. Nəticə də özünü çox
gözlətmədi. Medal uğrunda əsas rəqibim fransalı idmançı idi. O məni
qabaqlamaq üçün çıxışını səhvsiz yerinə yetirilməli idi. Çıxışının
sonunda səhv buraxdı və mən də bunu hiss etdim. Bundan sonra şübhə
etmədim ki, o mənə qalib gələ bilməyəcək".
Tarix
2015.06.21 / 12:00
|
Müəllif
Şəmsəddin Ənsar
|