Ana səhifə Bakı 2015 |
"Gənclər və İdman Nazirliyini xilaskar gəncə layiq olduğu yüksək qiyməti verməyə çağırıram".
Axar.az xəbər verir ki, bu haqda millət vəkili Aydın Mirzəzadə yazıb.
O, bu gün Oyunlarda bir könüllünün idmançının həyatını xilas etməsini əsl qəhrəmanlıq adlandırıb:
"I Avropa Oyunlarının batut gimnastikası üzrə kişilər arasında keçirilən finalında maraqlı hadisə baş verib. Komanda yoldaşı ilə batutda sıçrayan polşalı idmançı Bartolomey Hes havaya qalxıb yerə enərkən səhvə yol verir və batutun üzərindən yüksəklikdən yerə yıxılır. Yaxınlıqda dayanmış azərbaycanlı könüllü isə öz həyatını riskə ataraq, tez polşalı idmançını tutur və onu ağır xəsarət almaqdan və şikəst olmaqdan xilas edir. Bu, sadə bir azərbaycanlı gəncin ani anda qəhrəmanlığı, xalqımızın mənəvi dəyərlərinin göstəricisidir. Həmin gənc yüksək diqqətə və mükafatlara layiqdir. Mən Gənclər və İdman Nazirliyini bu gəncə layiq olduğu yüksək qiyməti verməyə və mətbuatı bu gənci tapmağa və onun riskə gedərək, insan həyatını xilas etməyini işıqlandırmağa çağırıram. Bu gənc vətənimizə medal gətirən gənclərimizdən az fəaliyyət göstərmədi, o, xalqımızın cəsarətini və insanlığını bariz şəkildə göstərə bildi".
Tarix
2015.06.22 / 17:58
|
Müəllif
Aygün Yusibova
|