Bakı-2015 Avropa Oyunlarında qılıncoynatma yarışları start götürüb.

Axar.az xəbər verir ki, bu gün qadınlar arasında şpaqa, kişilər arasında isə sablya ilə yarışlar keçiriləcək.

4-ü kişi, 4-ü isə qadın olmaqla yığmamızın 8 idmançısı da mübarizəyə qoşulub.

Qadın qılıncoynadanlarımızdan Elmira Xudaverdiyeva A, Samirə Hüseynova B, Məryəm Məlikova C, Nüvar Məlikova isə E qrupunda gücünü sınayır.

Kişilərin sablya yarışlarında təmsilçilərimizdən Azər Tağıyev A, Abdulla Həsənov D, Cavanşir Səfərov E, Cavanşir Ağakişiyev F qrupunda mübarizə aparır.

11:44

Qadın təmsilçilərimiz keçirdikləri 6 görüşün hamısında məğlub olub. Nəticədə şpaqaçılarımız 1/16 finala çıxma şansını əldən verib.

***

Təmsilçilərimizdən Azər Tağıyev A, Abdulla Həsənov D, Cavanşir Səfərov E, Cavanşir Ağakişiyev F qrupunda gücünü sınayıb. Həsənov bütün görüşlərində məğlub olub. Digər sablyaçılarımız hərəyə 1 dəfə udub. Yeganə qələbə Tağıyevə 4-cü yeri tutmaq üçün kifayət edib, digər iki idmançımız isə 5-ci olub.

Bununla da Azər Tağıyev 1/16 finala yüksələn yeganə təmsilçimiz olub. Bu mərhələdə təmsilçimiz rumıniyalı Tiberiu Dolniçeanu ilə görüşüb. Tağıyev 5:15 hesabı ilə uduzub və mübarizəni dayandırıb.