I Avropa Oyunlarında çıxış edən Azərbaycanın 3 üzgüçüsü mübarizəni dayandırıb. Onlardan ikisi kişi, biri isə qadındır.

Qadınlar arasında 100 metr məsafəyə sərbəst üzmədə Anna Mançenkova uğursuz çıxış edib. O, məsafəni 1 dəqiqə 03.15 saniyəyə başa vurub. Nəticədə A.Mançenkova 64 iştirakçı arasında 63-cü pillədə qərarlaşıb və yarımfinala yüksələ bilməyib.

Kişilər arasında 50 metr məsafəyə kəpənək yarışında isə Kamran Cəfərov və Murat Ayxan iştirak edib. K.Cəfərov təyin olunmuş məsafəni 27.17 saniyə, M.Ayxan isə 28.75 saniyəyə başa vurub. Hər iki idmançı 61 iştirakçı arasında müvafiq olaraq sonuncu iki pilləni bölüşüb.

13:19

Azərbaycanı 200 metr məsafədə brass üzmə üsulu üzrə yarışlarda təmsil edən Anton Jeltyakov yarımfinal mərhələsinə yüksəlib. Jeltyakov 2 dəqiqə 19,38 saniyə nəticə ilə qrupda 7-ci yeri tutub.