Bu gün Avropa Oyunlarında 10 çəkidə boks yarışları keçiriləcək.

Axar.az xəbər verir ki, idmançılarımız 5 çəkidə mübarizələrini davam etdirəcək. Boksçularımızdan Teymur Məmmədov isə final görüşünə çıxacaq.

Kişilər

52 kq çəki dərəcəsində Elvin Məmişzadə yarımfinalda almaniyalı Hamza Tuba ilə görüşəcək. Boksçular rinqə saat 13:30-da çıxacaqlar.

64 kq çəki dərəcəsində təmsilçimiz Lorenzo Sotomayor yarımfinalda Viktor Petrovla qarşılaşacaq. Görüş saat 14:15-də başlayacaq.

+91 kq çəki dərəcəsində Məhəmmədrəsul Məcidov yarımfinalda rus Qasan Gimbatovla görüşməli idi. Lakin boksçumuz zədəli olduğu üçün görüşə çıxmayacaq və təmsilçimizin bürünc medal alması rəsmiləşəcək.

81 kq çəki dərəcəsində Teymur Məmmədov finalda italiyalı Valentino Manfredonia ilə qarşılaşacaq. Final saat 19:00-da start götürəcək.

Qadınlar

54 kq çəki dərəcəsində Anna Əlimərdanova yarımfinalda rus Yelena Saveleva ilə görüşəcək. Boksçular rinqə saat 12:30-da çıxacaq.