Bu gün Avropa Oyunlarında 4 çəki dərəcəsində cüdo yarışları davam edəcək.

Axar.az xəbər verir ki, 5 cüdoçumuz medallar uğrunda mübarizə aparacaq.

Kişilər

73 kq çəki dərəcəsində Rüstəm Orucov 1/16 finalda alman Kristofer Voelk və çex Yaromir Yezek cütünün qalibi ilə qarşılaşacaq. Görüş 11:54-də başlayacaq.

Qadınlar

63 kq çəki dərəcəsində Xanım Hüseynova 1/16 finalda makedoniya cüdoçusu Nikolosko Katerina ilə münasibətlərinə aydınlıq gətirəcək. Görüş 11:36-da start götürəcək.

Eyni çəkidə Nuriyyə Axundova 1/16 finalda polşalı Aqata Ozdoba ilə görüşəcək. Qarşılaşma 11:42-də başlayacaq.

70 kq çəki dərəcəsində Nərgiz İbrahimova 1/16 finalda xorvatiyalı Barbara Matiçi sınağa çəkəcək. Görüş 12:06-ya təsadüf edəcək.

Eyni çəkidə Validə Mirzəzadə 1/16 finalda belçikalı Roksana Teymansla qarşılaşacaq. Qarşılaşma saat 12:18-də başlayacaq.

11:38

63 kq çəki dərəcəsində Xanım Hüseynova 1/16 finalda makedoniya cüdoçusu Nikolosko Katerina ilə münasibətlərinə aydınlıq gətirib. O, rəqibinə qalib gəlib və növbəti mərhələyə adlayıb.

11:50

Nuriyyə Axundova 1/16 finalda polşalı Aqata Ozdoba ippon fəndi ilə məğlub olub.

***

Rüstəm Orucov 1/16 finalda çex Yaromir Yezekə ippon fəndi ilə məğlub olub.

12:10

Validə Mirzəzadə 1/16 finalda belçikalı Roksana Teymansla qarşılaşıb. O, rəqibinə ippon fəndi ilə məğlub olub.

***

Nərgiz İbrahimova 1/16 finalda xorvatiyalı Barbara Matiçə ippon fəndi ilə məğlub olub.

***

1/8 finalda -63 kq çəki dərəcəsində qadın cüdoçumuz Xanım Hüseynova Fransa idmançısı Agbegnenau Klarislə qarşılaşıb. Təmsilçimiz elə ilk dəqiqədən rəqibin ipponuna düşüb.