Bu gün Avropa Oyunlarında 2 çəki dərəcəsində paracüdoçuların yarışı keçiriləcək.

Axar.az xəbər verir ki, 3 paracüdoçumuz medallar uğrunda mübarizə aparacaq.

Kişilər

+90 kq çəki dərəcəsində İlham Zəkiyev yarımfinalda türkiyəli Dursun Hayranla yunan Klimis Papaçristos cütünün qalibi ilə görüşəcək.

Eyni çəkidə Zakir Mislimov 1/4 finalda ukraynalı Aleksandr Pominovla üz-üzə gələcək. Görüş 15:12-də başlayacaq.

Qadınlar

57 kq çəki dərəcəsində Səbinə Abdullayeva 1/4 finalda ispan Maria Merensiano ilə gücünü sınayacaq. Görüş saat 15:00-da start götürəcək.

15:45

57 kq çəki dərəcəsində Səbinə Abdullayeva 1/4 finalda ispan Maria Merensianoya qalib gələrək yarımfinala vəsiqə qazanıb. Yarımfinalda idmançımız ukraynalı Natalya Nikolayçukla qarşılaşacaq

16:18

57 kq çəki dərəcəsində Səbinə Abdullayeva ukraynalı rəqibi Natalya Nikolayçuku məğlub edərək finala yüksəlib.

16:40

+90 kq çəki dərəcəsində İlham Zəkiyev yarımfinalda yunan Klimis Papaçristosa qalib gələrək finala yüksəlib.

18:26

Paralimpiya üzrə qadınlar arasında cüdo yarışlarının -57 kq çəki dərəcəsində azərbaycanlı idmançı Səbinə Abdullayeva ukraynalı rəqibi İrina Çernyakla üz-üzə gələcək. Görüş saat 19:10-da başlayacaq.

Paralimpiya üzrə kişilər arasında cüdo yarışlarının +90 kq çəki dərəcəsində final döyüşündə azərbaycanlı idmançı İlham Zəkiyev ukraynalı Aleksandr Pominovla üz-üzə gələcək. Döyüş saat 19:00-da başlayacaq.

19:06

-57 kq çəki dərəcəsində azərbaycanlı idmançı Səbinə Abdullayeva ukraynalı rəqibi İrina Çernyakla üz-üzə gəlir.

20:21

Abdullayeva finalda İnna Çernyakla döyüşüb. O, ipponla uduzaraq gümüş medala yiyələnib.

20:25

Zakir Mislimov bürünc medal uğrunda Klimis Papaçristosla qarşılaşır.

Qeyd edək ki, Papaçristos millimizin digər üzvü İlham Zəkiyevə məğlub olmuşdu.

20:37

Mislimov komanda yoldaşı kimi Papaçristosa ipponla qalib gəldi. İdmançımız komanda aktivinə bürünc medal yazdırdı.

20:55

İlham Zəkiyev Aleksandr Pominovla final görüşündə qalib gələrək komandamızın növbəti qızıl medalını qazanıb.