Bu gün Avropa Oyunlarında boks yarışlarına yekun vurulacaq.

Axar.az xəbər verir ki, son yarış günündə 5 çəki dərəcəsində final qarşılaşması keçiriləcək. 4 boksçumuz qızıl medallar uğrunda mübarizə aparacaq.

60 kq çəki dərəcəsində Albert Səlimov finalda fransalı Sofian Oumina ilə döyüşəcək. Rio Olimpiadasına lisenziyanı təmin edən Səlimov özündən 9 yaş kiçik olan fransalı ilə görüşə saat 18:15-də çıxacaq.

69 kq çəki dərəcəsində Pərviz Bağırov Avropa Oyunlarının qızıl medalına yiyələnmək üçün finalda rusiyalı Aleksandr Besputinə qalib gəlməyə çalışacaq. Gənc boksçumuzun döyüşü saat 18:45-ə təsadüf edəcək.

75 kq çəki dərəcəsində Xaybula Musalovu finalda çətin sınaq gözləyir. İdmançımız gənclər arasında bir neçə mükafata nail olmuş 22 yaşlı Maykl Reylli ilə üz-üzə gələcək. Xaybula irlandiyalıya qarşı 19:15-də rinqə çıxacaq.

91 kq çəki dərəcəsində Abdulqadir Abdullayev üçün həlledici görüş prinsipial olacaq. O, Ukraynanı təmsil edən erməni əsilli Qevorq Manukyanla döyüşəcək. Abdullayevin görüşü 19:45-də baş tutacaq.

Qeyd edək ki, boks yığmamızın aktivində 3 qızıl, 3 bürünc medal var.

18:50

Albert Səlimov finalda fransalı Sofian Oumina ilə döyüşüb. O, rəqibinə qalib gəlib və qızıl medalı qazanıb.