Türkiyədəki çevrilişə cəhddən sonra fond bazarında çalışan şirkətlərin bazar dəyəri 1 həftədə 78 milyard aşağı düşüb.

Axar.az xəbər verir ki, bu şirkətlərin bazar dəyəri 15 iyulda 634 milyard lirə ikən 22 iyulda 556 milyard lirəyə enib. Zərərin böyük bir qismi nəhəng 20 şirkətin üzərinə düşüb.

Ən böyük zərər "Ağbank"da qeydə alınıb. "Ağbank" bir həftədə 5 milyard 920 milyon itirib.

Qoç Holdinqdə isə bu itki 5 milyard 908 milyon lirəyə bərabər olub.

3-cü pillədə "Qaranti" bankı məskunlaşıb. "Qaranti" bankının bazar dəyəri 5 milyard 670 milyon lirə olub.

"Yapı Kredi"nin 1 həftəlik itkisi 3 milyard 8 milyon lirə təşkil edib.

İlk beşliyi Sabançı Holdinq tamamlayıb. Sözügedən holdinqdə bazar dəyəri 3 milyard 591 milyon lirə aşağı düşüb.

Növbəti pillələrdə 3 milyard 374 milyon lirə zərərlə "Türkiyə İş Bankı", 2 milyard 520 milyon lirə zərərlə "Türk Telekom" yer alıb.

Əvvəlcə "Xalq bank" da bu siyahıda yer alsa da, daha sonra Koka Kola şirkəti onu əvəzləyib.

Bazar dəyərində heç bir dəyişiklik olmayan yeganə şirkət "Fianansbank" olub.