Rusiya azərbaycanlı tərəfdaşları ilə eyni dərəcədə humanitar əlaqələrin qurulmasını bərpa etməyə hazırdır, ölkələr arasında mədəni əlaqələrin bərpa edilməməsi üçün isə heç bir dərin səbəb yoxdur.

Axar.az xəbər verir ki, bunu Rusiya Prezidentinin Beynəlxalq Mədəni Əməkdaşlıq üzrə xüsusi nümayəndəsi deyib.

“Həmişə demişik ki, Rusiya tərəfdaşlarının hazır olduğu hər şeyə hazırdır. Azərbaycanlı dostlarımız və həmkarlarımız humanitar əlaqələrin, elm, təhsil və mədəniyyət sahələrində əlaqələrin qurulmasına qayıtmağa nə dərəcədə hazırdırlarsa, biz də eyni dərəcədə hazırıq”, - o bildirib.

O, Rusiya və Azərbaycanın əsrlər boyu davam edən tarixi əlaqələrə malik olduğunu, xalqların bir-biri ilə sıx bağlı olduğunu və hər iki ölkədə cəmiyyətin təməlini təşkil edən eyni mənəvi və əxlaqi dəyərləri bölüşdüyünü vurğulayıb.