Mehdiyevin (PA-nın sabiq rəhbəri Ramiz Mehdiyev – red.) Rusiyaya ünvanladığı məktubun saxta olduğunu deyənləri də başa düşmək mümkündür. Cünki Mehdiyevin hər şeyi saxtadır: alimliyi də, akademikliyi də, dövlət xadimliyi də, "dərinliyi" də və sair.

Axar.az xəbər verir ki, bu sözləri sabiq deputat, “Yeni Azərbaycan” qəzetinin baş redaktoru, tanınmış YAP-çı, uzun illər Ramiz Mehdiyevə qarşı açıq mübarizəsi ilə tanınan Alqış Musayev qeyd edib.

O bildirib ki, saxtakarlıq onun mahiyyətidir, xislətidir:

“Bu səbəbdən Mehdiyevin adı çəkilən kimi ilk xatırlanan saxtakarlıq anlayışı olur.

O məktub da Mehdiyevin SAXTAKARLIĞININ ifadəsidir. Amma faktdır, saxta deyil - saxtakarlıq faktıdır”.

Qeyd edək ki, ötən gün Ramiz Mehdiyevin hakimiyyətin zorla ələ keçirilməsi barədə gizli məktubu yayımlanıb.