Belarus Prezidenti Aleksandr Lukaşenko Qəzza zolağında və Azərbaycanla Ermənistan arasında münaqişələrin həllinin uzunmüddətli olacağına ümid etdiyini bildirib.

Axar.az Teleqraf-a istinadla xəbər verir ki, Belarus lideri bu barədə Minskdə Avrasiya Təhlükəsizliyi üzrə III Beynəlxalq Konfransda deyib.

“Son vaxtlar bir sıra uzunmüddətli münaqişələr üçün həll yollarına nail olmaq mümkün olub və ümid edirəm ki, bu həllər uzunmüddətli olacaq. Azərbaycan və Ermənistan sülh sazişi imzalayıblar. Qəzza bölgəsində iki illik müharibə başa çatıb. Bu, yalnız başlanğıcdır. Amma ümid edirik ki, bu yaxşı bir başlanğıcdır”, - o vurğulayıb.