Qənirə Paşayeva Qırğızıstanın hökumət üzvləri ilə görüşüb.

Axar.az xəbər verir ki, millət vəkili görüş zamanı ölkəmizin bütün istiqamətlərdə Qırğızıstanla əməkdaşlığın inkişafına önəm verdiyini, bugünkü birliyimizin çox vacib olduğunu deyib.

Dünyada və bölgədə son günlər daha da gərginləşən vəziyyət barədə danışan Q.Paşayeva Qırğızıstan hökumət üzvləri ilə Dağlıq Qarabağ problemini geniş müzakirə edib.

"Bütün türk dünyası Ermənistanın işğalçılıq siyasəti ilə mübarizədə Azərbaycana daha çox dəstək olmalıdır. Biz birlikdə ədalətsizliklərə qarşı daha güclü mübarizə apara bilərik".

Azərbaycanı qardaş ölkə adlandıran Qırğızıstan hökumət nümayəndələri bu istiqamətdə səylərin daha da artıracaqlarını bildiriblər.

Görüşdə bir sıra vacib təkliflər və Qarabağ həqiqətlərinin Türkiyə ilə yanaşı, Qırğızıstanda da daha geniş yayılması istiqamətində müzakirələr aparılıb.