Rusiya ilə bütün münasibətlərimizi inkişaf etdirəcəyik.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Əl Cəzirə telekanalına verdiyi müsahibəsində deyib.

Ərdoğan müsahibəsində Rusiya Prezidenti Vladimir Putinlə keçirəcəyi görüşlə bağlı maraqlı açıqlamalar verib.

"Vladimir Putin çevrilişə cəhddən bir gün sonra mənə zəng etdi. Şəhidlərimiz üçün başsağlığı verdi, yaralılarımıza şəfa dilədi. Rusiyanın hər zaman bizim yanımızda olduğunu dedi. Çərşənbə axşamı Rusiyaya gedəcəm. Yanımda Rusiyada böyük sərmayələri olan böyük iş adamları da olacaq. Ticarət, hərbi, iqtisadi və siyasi münasibətlərimizi gücləndirməyə çalışacağıq", - Ərdoğan bildirib.

Ərdoğan görüş zamanı Rusiya və Türkiyənin regiondakı maraqlarının da müzakirə ediləcəyini deyib.