Milli Şuranın üzvü, sabiq deputat Gültəkin Hacıbəylinin Türkiyədən deportasiya olunmasına qərar verilib.

Axar.az xəbər verir ki, bu barədə Gültəkin Hacıbəyli özü sosial şəbəkə hesabında məlumat yayıb.

O bildirib ki, bu gün ona 5 il müddətinə Türkiyədən deport olunması ilə bağlı rəsmi qərar təqdim olunub.

"3 gün öncə saxlanıldığım Arnavutköy Geri Göndərmə Mərkəzindən çıxarılaraq Çatalca Geri Göndərmə Mərkəzinə gətirilmişəm. Bu mərkəzdə insanlar adətən daha qısa müddətə saxlanılırlar. Belə bir təəssürat yaranır ki, mənim Azərbaycana göndərilməyim üçün hazırlıq işləri aparılır”, - o yazıb.

Qeyd edək ki, Gültəkin Hacıbəyli noyabrın 29-da gecə Türkiyədə saxlanılıb.