ABŞ Prezidenti Donald Tramp hakimiyyətdə olduğu ilk ildə səkkiz müharibəyə son qoyduğunu iddia edir. Lakin onun bəzi sülh müqavilələri praktikada təsirsiz olub. Trampın müharibələrə son qoymaq və asayişi bərpa etmək barədə ritorikası illuziya kimi görünür.

Axar.az xəbər verir ki, bu barədə “Doyçe Velle” məlumat yayıb.

Nəşr qeyd edib ki, Tramp administrasiyasının həllinə kömək etdiyini iddia edəcəyi yeganə münaqişə Ermənistanla Azərbaycan arasındakı münaqişədir və ABŞ-ın fəal iştirakı təxminən 40 illik gərginliyə faktiki olaraq son qoyub:

“Onun sülh adlandırdığı şey əsasən müvəqqəti fasilələrdən, tənzimləyici razılaşmalardan və ya münaqişənin kök səbəblərini nəzərə almayan mətbuat konfransındakı qələbələrdən ibarət olub. Bunlar uzunmüddətli sülh razılaşmaları deyil, müharibənin yenidən başlamasının qarşısını almaq əvəzinə, onu gecikdirən qısamüddətli siyasi həllər idi”.