İranda qızlar məktəbinin vurulması ilə bağlı yayılan məlumat ciddi müzakirələrə səbəb olub.

Axar.az xəbər verir ki, ABŞ və İsrail İrana endirdiyi zərbələrin “nöqtə atışlı” olduğunu iddia edir. Bu halda necə ola bilər ki, qızlar məktəbi vurulur və 160-dan çox uşaq ölür?

Bu baxımdan qızların təhsil aldığı kollecin yerləşdiyi məkan diqqəti çəkir. Minab rayonunun Şəcəreyi-Təyyibə ərazisində “Seyid-ül-Şühəda” kompleksində SEPAH bazaları, idman kompleksləri və təhsil müəssisələri mövcuddur. Xəritədən də görünür ki, təhsil müəssisəsi SEPAH hərbi qərargahına bitişikdir. Məlumata görə, bu kollecdə yalnız SEPAH zabitlərinin övladları təhsil ala bilər və elit təhsil müəssisəsi sayılır.

Ehtimal olunur ki, təhsil müəssisəsi bu səbəbdən hədəfə çevrilib.