F-35-ə vida edən ikinci ölkə İsveçrə olacaq. Görünür, İsveçrə də F-35 ala bilməyəcək və Türkiyə kimi, o da pulunu da geri ala bilməyəcək.

Axar.az xəbər verir ki, bu sözləri politoloq Turab Rzayev qeyd edib.

Onun sözlərinə görə, əvvəllər razılaşdırılmış “Tomahavk” raketlərinin tədarükünün planlaşdırıldığı kimi davam edə bilməyəcəyinə dair xəbərlərdən sonra İsveçrə ABŞ-la müdafiə tədarükü sahəsində gərginlik yaşaya bilər:

“İsveçrə səlahiyyətliləri ödənişləri dayandıracaqlarını bildiriblər. Bununla bağlı olaraq, F-35 alqı-satqısı ilə əlaqəli vəsaitlərin yönləndirildiyi iddialarından sonra mübahisələr kəskinləşib və parlament üzvləri vəziyyəti qəbuledilməz kimi qiymətləndirərək, müqavilələr bağlandıqdan sonra maliyyə öhdəliklərinin birtərəfli qaydada dəyişdirilə bilməyəcəyini vurğulayıblar. Məsələ indi sövdələşmədən kənara çıxıb və uzunmüddətli müdafiə tərəfdaşlıqlarında etibarlılıq və inamla bağlı daha geniş narahatlıqlar doğurub.

Almaniya, Fransa və Böyük Britaniya kimi inkişaf etmiş iqtisadiyyatlar üçün bu cür inkişaflar irimiqyaslı hərbi satınalma və xarici təchizatçılardan asılılıqla bağlı riskləri üzə çıxarıb.

Mübahisə daha dərin dəyişikliyi əks etdirir: müdafiə sahəsində əməkdaşlıq artıq sırf strateji deyil – o, getdikcə daha çox maliyyə nəzarəti, çatdırılma zəmanətləri və müttəfiqlər arasında siyasi etimad əsasında formalaşır.

Bu problem AUKUS-in gələcəyini də şübhə altına alır”.