Baş nazir Nikol Paşinyan və Prezident İlham Əliyevin səyləri sayəsində Ermənistanla Azərbaycan arasında münasibətlər sabitləşib.

Axar.az xəbər verir ki, bu barədə Rusiya Prezidenti Vladimir Putin Kremldə Nikol Paşinyanla görüşdə bildirib.

Həmçinin Putin Azərbaycan-Ermənistan münasibətlərinin nizamlanmasında ABŞ Prezidenti Donald Trampın iştirakını da xatırladıb.

O qeyd edib ki, Qarabağın Azərbaycanın bir hissəsi kimi tanınmasından sonra Kollektiv Təhlükəsizlik Müqaviləsi Təşkilatının (KTMT) digər ölkələrin daxili işlərinə (Azərbaycanın Qarabağ bölgəsi nəzərdə tutulur - red.) müdaxilə etməsi doğru deyil.