Rusiya əvvəllər də ermənilərdən silahlı qruplar formalaşdıraraq onları Ukrayna ilə savaşa göndərib. Ancaq onlar əsasən Rusiyada yaşayan ermənilər və Ermənistandan gələnlər idi.

Axar.az xəbər verir ki, bunu politoloq Elxan Şahinoğlu qeyd edib.

“Ancaq bu dəfə Rusiya Qarabağdan qaçan separatçılardan silahlı qruplar formalaşdıraraq Ukrayna ilə savaşa göndərib və bu faktı gizlətmədən dövlət televiziya kanalında yayımlayıb.

Bu görüntünü ukraynalı dostlarıma, o cümlədən tanıdığım diplomatlara göndərdim. Ukraynaya dəstək verən beynəlxalq aləm, Qərb ölkələrinin rəsmiləri və diplomatları işğalçı qoşunların tərkibində Qarabağ separatçılarının döyüşdüyünü bilməli və bundan gərəkli nəticə çıxarmalıdırlar”, - deyə politoloq əlavə edib.