Yuxarı

Zakir Həsənovdan müharibə qəhrəmanına jest - Foto

Ana səhifə Gündəm
12 Punto 14 Punto 16 Punto 18 Punto
Zakir Həsənovdan müharibə qəhrəmanına jest - Foto

Vətən Müharibəsi Qəhrəmanı, mayor Zaur Hüseynova yeni rütbə verilib.

Axar.az Ölkə.az-a istinadən xəbər verir ki, bu barədə müdafiə naziri general-polkovnik Zakir Həsənov müvafiq əmr imzalayıb.

Əmrə əsasən, Z.Hüseynova polkovnik-leytenant hərbi rütbəsi verilib.

Müdafiə nazirinin bu addımı Zaur Hüseynovun Vətən Müharibəsindəki xidmətlərinin növbəti dəfə yüksək qiymətləndirilməsi kimi qəbul olunur. Çünki o, müharibədən sonra ordu sıralarından tərxis olunub. Ehtiyatda olan zabitin rütbəsinin artırılmasına isə nadir hallarda rast gəlinir.

Qeyd edək ki, Zaur Rahat oğlu Hüseynov 26 avqust 1987-ci ildə Salyan rayonunda anadan olub.

2002–2005-ci illərdə Cəmşid Naxçıvanski adına Hərbi Liseydə, daha sonra 2005–2009-cu illərdə Heydər Əliyev adına Ali Hərbi Akademiyada təhsil alıb və oranı fərqlənmə ilə bitirib.

Z.Hüseynov Azərbaycan Ordusunun Xüsusi Təyinatlı Qüvvələrində xidmət edib.

2020-ci ilin sentyabrında başlayan İkinci Qarabağ müharibəsində fəal iştirak edərək Füzuli, Cəbrayıl, Xocavənd və xüsusilə Şuşanın azad olunması uğrunda gedən döyüşlərdə tabor komandiri kimi önəmli rol oynayıb. Şuşa döyüşündə göstərdiyi liderlik və müdafiə taktikaları ilə yadda qalan Z.Hüseynov, həmin əməliyyatların uğurla bitməsindən əsas simalardan biri olub.

Prezident İlham Əliyevin sərəncamları ilə Vətən Müharibəsi Qəhrəmanı adına, “Cəbrayılın azad olunmasına görə”, “Füzulinin azad olunmasına görə”, “Şuşanın azad olunmasına görə”, həmçinin “Cəsarət”, “Qüsursuz xidmətə görə” (2-ci və 3-cü dərəcə), “Heydər Əliyevin 100 illiyi” yubiley medalı ilə təltif olunub.

Z.Hüseynov hazırda “Azərbaycan Xəzər Dəniz Gəmiçiliyi” QSC-nin məxfi rejim və hərbi səfərbərlik şöbəsinin rəis müavini vəzifəsində işləyir.

Tarix
2026.07.11 / 22:12
Müəllif
Axar.az
Digər xəbərlər

Bayramov və Fidan arasında telefon danışığı oldu

Əliyevlə deyil, kimlə imzalayım? Lula da Silva ilə?

Sahibə Qafarova bu türk ölkəsinə getdi

Ölsəniz belə, sülh olacaq - Ararat Mirzoyan

Bayramovla ABŞ rəsmisi arasında kritik görüş

Kvrivişvili İlham Əliyevlə görüşündən danışdı

Çaylarla bağlı məsələni Bakı ilə danışmalıyıq - Paşinyan

Azərbaycan və Gürcüstan hərbi əməkdaşlığı müzakirə etdi

Paşinyan Azərbaycanla delimitasiya prosesindən danışdı

Bakı Bəyannaməsi BMT-nin rəsmi sənədi kimi yayıldı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla