Ana səhifə Gündəm |
Ötən həftə Dövlət Sərhəd Xidmətinin (DSX) bölmələri tərəfindən Xəzər dənizində keçirilən möhtəşəm təlimlər Türkiyə mediasının diqqətinə səbəb olub.
DSX-dan Axar.az-a verilən məlumata görə, sözügedən təlimlər Türkiyə KİV-lərində geniş işıqlandırılıb.
"Türkiyə Radio və Televiziyon Kurumu"na daxil olan telekanallarda təlimlərdən bəhs edən süjet yayımlanıb. Xüsusən Türkiyə ilə yanaşı Yaxın Şərq ölkələri və bir sıra digər dövlətlərdə yayımlanan "TRT Xəbər" kanalı sözügedən təlimlərlə bağlı tamaşaçılara geniş vidoematerial təqdim edib.
Dünyanın əksər ölkələrində geniş oxucu kütləsinə malik olan Anadolu Agentliyi isə öz rəsmi saytında təlimlərdən bəhs edən videosüjet, fotolar və məqalə dərc edib. Bununla yanaşı qardaş ölkənin məşhur haberler.com, timeturk.com, haberlerdenvar.com, haber24.com, memleket.com.tr, sonhaberler.com, trthaber.com, arti49.com və gazetevatan.com saytlarının təlimlər barədə xəbərləri türkiyəli oxucuların diqqətinə çatdırılıb.
Qeyd edək ki, 2016-cı il 5-8 oktyabr tarixlərində "Dövlət Sərhəd Xidmətinin bölmələri tərəfindən Xəzər dənizinin Azərbaycan Respublikasına mənsub bölməsində yerləşən neft-qaz infrastrukturuna qarşı təhlükə yarandıqda axtarış əməliyyitlarının aparılması və aşkar olunmuş terror-təxribat qüvvələrinin zərərsizləşdirilməsi" mövzusunda taktiki təlimlər keçirilib.
Tarix
2016.10.12 / 13:34
|
Müəllif
Axar.az
|