Ermənistan Baş Prokurorluğu Sünikdə (Zəngəzurda) sərhədi naməlum şəraitdə keçərək saxlanılan Nəsimi Musayev barəsində ikinci cinayət işi açıb.

Axar.az xəbər verir ki, bu barədə Ermənistan mediası məlumat yayıb.

Məlumata görə, iş Cinayət Məcəlləsinin 469-cu maddəsinin 1-ci hissəsi (dövlət sərhədini qanunsuz keçmə) və 340-cı maddəsinin 1-ci hissəsi (odlu silah qaçaqmalçılığı) üzrə başlanılıb.

Qeyd edək ki, Ermənistan Baş Prokurorluğu dünən Şəki kəndində baş vermiş hadisə ilə bağlı Cinayət Məcəlləsinin 166-cı maddəsinin 2-ci hissəsinin 6-cı bəndi (silah tətbiq etməklə ağır bədən xəsarəti yetirmə), 335-ci maddəsinin 1-ci hissəsi (odlu silahın qanunsuz dövriyyəsi) və 207-ci maddəsinin 1-ci hissəsi (şəxsi mülkiyyətin toxunulmazlığının pozulması) üzrə cinayət işinin başlanıldığını bildirmişdi.