Heç kimin bu qardaşlığı sarsıtmağa gücü çatmayıb, çatmır, çatmayacaq da.

Axar.az xəbər verir ki, bunu tanınmış siyasətçi, hakim Ədalət və İnkişaf Partiyasının (AKP) üzvü Savcı Sayan sosial şəbəkələrin Türkiyə seqmentində bəzilərinin Azərbaycana qarşı qara kampaniyasına cavab olaraq sosial şəbəkə hesabında paylaşıb.

“Mərhum Heydər Əlyevin “Bir millət, iki dövlət” sözü ilə tarixə keçən Türkiyə-Azərbaycan qardaşlığı sayın Prezidentimiz və sayın İlham Əliyevin iradəsi ilə bu gün sarsılmaz gücə çevrilib.

Bu qardaşlıq Qafqazdan Türk dünyasına, Mərkəzi Asiyadan Yaxın Şərqə qədər milyonlarla insana güc və ümid verir.

Lakin aydındır ki, bu birlikdən narahat olanlar da var! Unutmayın ki, Türkiyənin gücü Azərbaycanın gücüdür, Azərbaycanın gücü isə Türkiyənin gücüdür. Türkiyənin sevinci Azərbaycanın sevincidir. Azərbaycanın kədəri Türkiyənin kədəridir. "Bir millət, iki dövlət" şüar deyildi, bu gün də deyildir. Bu, qardaşlıq andıdır!

Ölkəmizi iqtisadi cəhətdən hədəf alan kirli planlarla Türkiyə ilə Azərbaycan arasında nifaq salmaq cəhdlərini ayrı hesab etmirəm.

Fon üzərindən ortaya atılan korrupsiya iddiaları, gizli maraq şəbəkələri, sosial şəbəkələrdə qızışdırılan Türkiyə və Azərbaycan əleyhinə əhval-ruhiyyə, mənşəyi naməlum trollar, eləcə də Ərdoğandan sonrakı dövr üçün planlar quran bəzi siyasətçi və bürokratların hərəkətləri ciddi şəkildə araşdırılmalıdır.

Hər kəs ağlını başına yığsın. Siz nə sayın Prezidentimizlə sayın Əliyevin, nə də Türkiyə ilə Azərbaycanın arasına girə biləcəksiniz!

Bu qardaşlıq bir neçə trolun fitnəkarlığı üzərində qurulmayıb və onların fitnəkarlığı ilə də dağılmayacaq.

Prezidentimizdən sonrakı dövrlə bağlı siyasi hesablamalarınız bu qardaşlığı sarsıda bilməyəcək. Nə pulunuz, nə vəzifəniz, nə də gizli hesablarınız bu qardaşlıqdan üstündür!

Fitnə məğlum olacaq, qardaşlıq qalib gələcək”, - Sayan bildirib.