Bu gün İranın Azərbaycandakı səfiri Müctəba Dəmirçilu İranın xarici işlər naziri Abbas Arakçı ilə bir araya gəlib.

Axar.az xəbər verir ki, bu barədə Arakçının Teleqram kanalı məlumat yayıb.

Görüşdə Tehran-Bakı münasibətlərinin mövcud vəziyyəti və gələcək perspektivləri müzakirə olunub.

Söhbət zamanı ikitərəfli münasibətlərdə son proseslər və mövcud tendensiyalar nəzərdən keçirilib. Müxtəlif sahələrdə əməkdaşlığın genişləndirilməsi imkanları ətrafında fikir mübadiləsi aparılıb.

Görüşdə iki ölkə arasında davam edən qarşılıqlı əlaqə və məsləhətləşmələrin möhkəmləndirilməsi istiqamətində atıla biləcək addımlar müzakirə olunub.