ABŞ Federal Təhqiqat Bürosunun direktoru Keş Patel və erməni əsilli amerikalı müğənni Aleksis Uilkins nişanlandıqlarını açıqlayıblar.

Axar.az xəbər verir ki, bu barədə “Asoşeyted Press” məlumat yayıb.

Qeyd edək ki, Uilkins kantri musiqisi ilə məşğul olmaqla yanaşı, siyasi şərhçi kimi də fəaliyyət göstərir. Uilkins erməni kökləri barədə özü danışıb.

Müğənni 2023-cü ildə “İndependent Women’s Forum”a müsahibəsində bildirib ki, Koreya müharibəsi zamanı ABŞ Hərbi Dəniz Qüvvələrində xidmət etmiş babasının qondarma və uydurulmuş “erməni soyqırımı”ndan qaçan erməni mühacirlərin oğlu olduğunu bildirib.

Uilkins ailəsinin erməni mənşəyi mövzusuna sonrakı illərdə də toxunub. Müğənni 2024-cü ildə “Catholic News Agency”/EWTN News”a müsahibəsində qondarma “erməni soyqırımı”nı ailəsinin şəxsi tarixinin bir hissəsi adlandırıb.