Qara dənizdə, Rumıniya sahilləri yaxınlığında “Royad Məmmədov” adlı xarici yük gəmisinin dron hücumuna məruz qalması nəticəsində xəsarət alanlardan biri də Masallı rayonunun Digah kənd sakini Coşqun Məmmədəliyevdir.

Axar.az xəbər verir ki, o, 3 ildir gəmidə mühərrik ustası kimi çalışırmış.

Hazırda o, gəmidə xəsarət alanlarla birlikdə Rumıniyada müalicə alır.

Atası Azər Məmmədəliyev bildirib ki, Coşqun 2 aydır gedib.

“Hər şey normal idi, salamatçılıq idi. Rumıniyada idilər. Hadisə dünən səhər olub. Bizim məlumatımız olmayıb. Bu gün səhər xəbərimiz olub ki, gəmi vurulub. Şərait yaradıblar, özü ilə danışmışıq. Hər şey qardasındadır”, - deyə o vurğulayıb.

Daha ətraflı İTV-nin süjetində: