Yuxarı

Ermənistan Azərbaycana “jest” edə bilər - Xudoyan

Ana səhifə Gündəm
12 Punto 14 Punto 16 Punto 18 Punto
Ermənistan Azərbaycana “jest” edə bilər - Xudoyan

Ermənistanda saxlanılan Azərbaycan hərbçisinin yaxın vaxtlarda heç bir qarşılıqlı addım gözlənilmədən, "xoşməramlı jest" kimi Bakıya təhvil verilməsi ehtimalı var.

Axar.az Oxu.az-a istinadla xəbər verir ki, bu fikri erməni vəkil Ovannes Xudoyan irəli sürüb.

Hüquqşünasın sözlərinə görə, hadisənin təfərrüatını və irəli sürülən ittihamların reallığa nə dərəcədə uyğun olduğunu qəti şəkildə qiymətləndirmək üçün hələ tezdir. Xudoyan istintaqın ilk günlərində yayılan ziddiyyətli məlumatlara diqqət çəkib.

Vəkil hesab edir ki, mövcud vəziyyət nəzərə alınmaqla, hərbçiyə adam öldürməyə cəhdə qədər daha ağır maddələrlə ittihamlar verilə bilərdi. Bununla yanaşı, o, əsgərin yolu azaraq, yoxsa qəsdən sərhədi keçdiyinin istintaq gedişində tam aydınlaşacağını vurğulayıb.

Xudoyanın fikrincə, hərtərəfli araşdırmanın hələ aparılmadığı ilk gündə insidentlə bağlı bəzi məlumatların ictimailəşdirilməsi müəyyən şübhələr yaradır. O, baş verən hadisəyə görə yalnız Azərbaycan hərbçisinin deyil, eyni zamanda sərhəd pozuntusunun qarşısını almalı olan şəxslərin də məsuliyyət daşıdığını bildirib.

"Həm Azərbaycan hərbçisi, həm də bunu əngəlləməli olub vəzifəsini icra etməyənlər günahkardır", - deyə o qeyd edib.

Vəkilin sözlərinə əsasən, hərbçinin əməllərinə verilən hüquqi qiymət gələcəkdə dəyişə bilər: hazırda daha yüngül ittiham irəli sürülsə də, sonradan bu, daha ağır maddə ilə əvəzlənə bilər. O, istintaq prosesinin davam etdirilməsinin və hərbçiyə qarşı qanunvericilikdə nəzərdə tutulmuş ən sərt maddənin tətbiq olunmasının tərəfdarı olduğunu vurğulayıb.

Tarix
2026.10.07 / 16:23
Müəllif
Axar.az
Digər xəbərlər

Azərbaycan-Gürcüstan hərbi əməkdaşlığı müzakirə etdi

Paşinyan Azərbaycanla delimitasiya prosesindən danışdı

Bakı Bəyannaməsi BMT-nin rəsmi sənədi kimi yayıldı

Szinpin buna görə Putini şəxsən qarşılamadı

Bu, ölkəmizin Avropa üçün önəmini təsdiqləyir

Prezident Oman Sultanını təbrik etdi

İlham Əliyev latviyalı həmkarını təbrik etdi

Bakı ilə İrəvan arasındakı sülh prosesi... – Gülər

Vadeful Bakıdan İrəvana uçdu

Türkiyə ilə Azərbaycan arasında münasibətlər... - Nazir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla