Ukrayna kütləvi informasiya vasitələri bir neçə saat bundan öncə qondarma Donbas Xalq Respublikasının əli silahlı nümayəndələrinin Donbas hava limanının ərazisinə soxulduğu və atəş açmaları barədə xəbər yayıblar.

Yayılan xəbərin bir hissəsi hava limanının mətbuat katibi Dmitri Kosinova istinadən verilib.

Məsələ ilə əlaqədar Kosinovla əlaqə yaradıb və yaranmış gərgin vəziyyətlə bağlı onun ekskluziv fikirlərini öyrəndik.

- Bəli, bu informasiya doğrudur, amma ukraynalı jurnalistlər bir qədər yanlışlığa yol veriblər. Söhbət ondan gedir ki, silahlı şəxslər hava limanının gözləmə salonunda deyil, uçuş xətti yaxınlığında dayanıblar. 23:05-ə (Bakı vaxtı ilə 01:05 – red.) olan məlumatı diqqətinizə çatdıraraq bildirmək istəyirəm ki, sərnişinlərin və hava limanının əməkdaşlarının həyatına hər hansı təhlükə yoxdur. Reyslər adi qrafiklə yerinə yetirilir.

- Hava limanının mühafizə xidməti haradadır və silahlıların sayı nə qədərdir?

- Mühafizə strukturunun əməkdaşları hazırda gözləmə zalı perimetri boyunca silahlıların zala daxil olmasının qarşısını almağa çalışır. Silahlıların sayı barədə isə dəqiq məlumatım yoxdur.

- Bu qarşıdurmanın səbəbi nədir?

- Ukraynada keçirilməsi nəzərdə tutulan preident seçkilər…