Azərbaycanlılar Rusiyanın Qarabağı geri qaytaracağına inanmır.

Bu, Axar.az saytında keçirilən sorğunun nəticəsində bəlli olub.

4831 nəfərin iştirak etdiyi sorğuda respondentlərə "Rusiya Qarabağı geri qaytaracaqmı?" sualı ilə müraciət edilib. İştirakçıların 68%-i Moskvanın belə addım atacağına inanmadığını bildirib. 23% şəxs isə Kremlə inandığını deyib. Respondentlərin 6%-i şübhə içərisində qaldığını və hələlik dəqiq fikirlərini müəyyənləşdirə bilmədiklərini söyləyiblər.

Ən qəribəsi yerdə qalan şəxsləri, ümumiyyətlə, Qarabağın taleyi ilə maraqlanmadıqlarını qeyd etməsi olub.

Xatırladaq ki, son günlər Azərbaycanda bəzi analitiklər Rusiyanın Qarabağ məsələsində aktiv rol aldığını və onun Azərbaycanın xeyrinə həll olunması üçün Əliyev hökuməti ilə gizli danışıqlar apardığını bildirirlər.