Ana səhifə Gündəm |
"Rusiyanın Azərbaycanda hərbi çevriliş hazırlamaq fikri var, amma onun bu gün nə dərəcədə real olduğuna şəhadət verə bilmərəm".
Bu sözləri Axar.az-a politoloq Qabil Hüseynli Rusiyanın Azərbaycanda hərbi çevriliş hazırlamaq niyyəti ilə bağlı məsələni şərh edərkən deyib.
O, hərbi çevrilişin baş tutacağına qətiyyən inanmadığını bildirib:
"Çünki Rusiyanın buna imkanı çatmaz. Yaxın iki-üç ay ərzində biz sabitliyi qorumağa çalışmalıyıq. Bununla bərabər isə Qərbin Rusiyaya təzyiqlərinin nəticəsini gözləməliyik. Bu sanksiyalar Rusiyanı da, Ermənistanı da tamam çökdürəcək. Bundan sonra isə Bakı üçün daha rahat nəfəs almaq mümkün olacaq".
Qeyd edək ki, dünən NATO Əməkdaşlıq İnstitutunun rəhbəri Fərrux Məmmədov saytımıza açıqlamasında Rusiyanın Azərbaycana qarşı hərbi çevriliş planlaşdırdığını söyləmişdi.
Tarix
2014.08.01 / 20:38
|
Müəllif
İlkin Həsənov
|