Dünən gecədən dan yeri sökülənə qədər ara-sıra atışma səsləri eşidilməyinə baxmayaraq, sübh çağı açılandan bu yana cəbhə xəttində heç bir canlanma qeydə alınmayıb.

Axar.az-ın Tərtərdə ezamiyyətdə olan müxbiri xəbər verir ki, əhali yüksək əhval-ruhiyyədədir.

Əhali arasında aparılan sorğuya əsasən, onlar üstünlüyün Azərbaycan tərəfdə olduğunu bildirirlər: "Hər şey göz qabağındadır. Üstünlük bizim ordumuzdadır. Kənd əhalisi olaraq biz də əldə silah hər an ordumuza kömək məqsədilə vuruşmağa hazırıq".

İnternet sosial şəbəkəsində yayılan məlumatların şişirdilməsindən gileylənən Tərtər camaatı keçən iki gün ərzində kənd məscidlərinə gətirilən "onlarla şəhid cənazəsini" və Tərtərin təmas xəttində yerləşən kəndlərdə əhalinin köçməsini də təkzib ediblər.