"Avqustun əvvəllərində cəbhənin təmas xəttində vəziyyətin gərginləşməsi nəticəsində yaralanan əsgərlərdən üçü hələ də hospitaldadır".

Axar.az xəbər verir ki, bu açıqlama ilə Ermənistanın Müdafiə Nazirliyinin mətbuat xidmətinin rəhbəri Arçrun Ovanisyan çıxış edib.

O, İrəvandakı hospitala yeddi yaralı gətirildiyini, onlardan dördünün artıq buraxıldığını bildirib.

Xatırladaq ki, Ermənistan Müdafiə Nazirliyi itkiləri və yaralılar barədə heç vaxt səhih məlumat vermir. Yalnız indi məlum olur ki, 3 günlük gərginlik zamanı yalnız İrəvan hospitalına 7 yaralı gətirilib. Digər şəhərlərdəki hospitallara aparılan yaralılar barədə isə yenə də məlumat yoxdur.