"Sarsılmış Ermənistanın daxili siyasətinin bərpası yolunda müharibə ritorikasından istifadə etməsi Sərkisyanı və ölkəsini məhv edəcək".

Bu sözləri Axar.az-a açıqlamasında Təhlükəsiz Enerji Tədqiqat Mərkəzinin rəhbəri, politoloq Ceyhun Mahmudlu son günlər Ermənistan dövlət başçısının yersiz bəyanatlarını şərh edərkən deyib.

Politoloq bildirib ki, Sərkisyanın son günlər mənasız bəyanatları avtokratik müharibə rejimi yaşayan Ermənistanda daxili siyasəti idarə etmək üçün istifadə olunan ritorikadır:

"Cəbhə bögəsində atəşkəs rejiminin pozulması da bununla əlaqədardır. Bu, Sərkisyanın müharibə ritorikasıdır. Daxili siyasəti və vəziyyəti getdikcə sarsılan Ermənistanda artıq ölkə başçısına qarşı bununla bağlı narazılıqlar artıb. Bu da onu məhv edə bilər. Eyni zamanda, hazırkı qlobal vəziyyət, müəyyən bölgələrdəki xaos və daxili müharibələr təəssüf ki, dondurulmuş münaqişə rejimində olan ölkələrdə müharibə riskini artırır. Buna görə də zəif dövlət başçısının uğursuz siyasəti Ermənistanda təhlükəsizlik dilemması yaradır. Ermənistanın konfliktin həllinə bu cür yanaşması istər-istəməz Azərbaycanda da bu dilemmaya yol açır. Təbii ki, bütün bunların da əsas baiskarı Qarabağ məsələsinin həllində yeganə konflikt tərəfi Ermənistandır".