Ana səhifə Gündəm |
"Hazırda "beşinci kolon" tərəfindən Azərbaycana təhlükə yoxdur".
Bu sözləri Axar.az-a açıqlamasında politoloq Vəfa Quluzadə söyləyib. O, "beşinci kolun"un Bakıda heç bir şey etmək gücündə olmadığını bildirib:
"Çünki "beşinci kolon" Rusiyanın Azərbaycanda mövcudiyyəti güclənən zaman dirçələ bilər. Moskva Bakını Ermənistan kimi ələ keçirə bilsə, "beşinci kolon" ayağa qalxacaq. Bunlar olmadıqca isə o, süst vəziyyətdə qalacaq. Məsələn, Rusiyanın ABŞ-da da "beşinci kolon"u var, amma onunla ABŞ-a nə edə bilir? Putin öz gəlirlərinin yarısını Amerikada lobbiçiliyə xərcləyib. Lakin heç bir şeyə nail ola bilməyib. Azərbaycanda hakimiyyət güclüdür və hər şeyə nəzarət edir. Ona görə də "beşinci kolon" burada heç bir şey edə bilməz. Hətta son zamanlar mətbuatda rus yönlü çıxışlar da yoxdur. Rusiyanın mövqeyi o qədər açıqdır ki, qırmızı yalan danışmaqdan çəkinirlər. Kreml həmçinin Qərb tərəfindən ağır sanksiyalara məruz qaldığı dövrdə ikinci cəbhəni aça bilməz. Moskva hazırda Bakıya qarşı heç bir təxribat törədə bilməz. Bu onun xeyrinə olmayacaq və Kremldə də belə addımın ziyanlarını yaxşı bilirlər. Ermənilər də Rusiyanın təzyiqi ilə müharibə etmək fikrindən uzaqdırlar. Çünki Ermənistan başa düşür ki, onları bu vəziyyətə salan Moskvadır".
Tarix
2014.10.16 / 12:05
|
Müəllif
İlkin Həsənov
|