Axar.az
Yuxarı

Axar.Az Logo

Dekabr seçkilərinə hansı partiyalar gedir?

Ana səhifə Gündəm
12 Punto 14 Punto 16 Punto 18 Punto

Bu ilin dekabrın 23-də Azərbaycanda bələdiyyə seçkiləri keçiriləcək. Seçkilərə təxminən iki ay qalmasına baxmayaraq, nə müxalifət, nə də iqtidar cəbhəsində seçkilərə hazırlıq müşahidə olunur. Hələlik hansı partiyaların (iqtidar paryiyası olan YAP-dan başqa) seçkilərdə iştirak edəcəyi məlum olmadığı üçün buna aydınlıq gətirməyə çalışdıq.

Axar.az-a açıqlama verən Klassik Xalq Cəbhəsi Partiyası sədrinin müavini Xəzər Teyyublu KXCP-nin Bələdiyyə seçkilərinə hazırlaşdığını bildirdi. Sədr müavini qeyd etdi ki, partiyadan namizədliyini irəli sürən çox sayda üzv var:

"Seçkilərə hazırlıq işlərimizi davam etdiririk. Azərbaycan boyu bütün bölgələrdə partiyamızın yerli təşkilatları ilə görüşlər keçirilib. Namizədlərimizin də rayon şöbələrində qəsəbə, kənd, şəhər, rayon üzrə müəyyənləşməsi olub. Demək olar ki, bütün ölkə üzrə hər bölgədən namizədliyini irəli sürənlər var. Özüm də namizədliyimi Nərimanov seçki dairəsindən irəli sürmək niyyətindəyəm".

Azərbaycan Xalq Cəbhəsi Partiyasının sədr müavini Gözəl Bayramlı isə hələlik partiyanın seçkilərdə iştirakı ilə bağlı qərar qəbul edilmədiyini bildirdi:

"Partiyamızın bələdiyyə seçkilərində iştirakı ilə bağlı hələlik partiyanın rəsmi qərarı yoxdur. Bu kimi məsələləri partiyanın Rəyasət Heyətinin Ali Məclisində müzakirə edirik. Bir neçə dəfə bu müzakirə edilib, lakin partiyanın bununla bağlı hələlik rəsmi qərarı yoxdur".

Bütöv Azərbaycan Xalq Cəbhəsi Partiyası sədrinin müavini Niyaməddin Orduxanlı partiyalarının bələdiyyə seçkilərinə ciddi şəkildə hazırlaşdığını bildirdi:

"Bir neçə ay bundan qabaq partiya bununla bağlı hazırlıq işlərini aparıb. Hal-hazırda BAXCP-nin Azərbaycan üzrə 56 rayon təşkilatı mövcuddur. Bələdiyyə seçkiləri kütləvi iştirak deməkdir. Biz çalışacağıq ki, maksimum dərəcədə partiyanın namizədi ilə iştirak edək. Burada söhbət yüzlərlə insandan gedir. Namizədlərimiz partiyanın nüfuzlu şəxsləri olacaq. Namizədlər arasında BAXCP sədrinin müavini də daxil olmaqla rayon şöbə sədrləri, alı məclis üzvləri və digər vəzifə tutan şəxslər olacaq. Nəzərinizə çatdırım ki, 2009-cu ilə bələdiyyə seçkilərində BAXCP partiyalar arasında 3-cü yeri tutub. Bu səfər isə çalışacağıq ki, 2-ci yeri tutaq. Buna bizim potensialımız da çatır. Seçkidə əsas rəqibmiz hakim YAP olacaq. Şəxsən özümün namizədliyimi irəli sürməyə gəldikdə isə mən indiyə qədər 3 dəfə bələdiyyə seçkilərində iştirak etmişəm və hər üçündə də qalib gəlmişəm. Partiya rəhbərliyi bu səfər də mənim seçkidə iştirak etməyimi məqsədə müvafiq bilir və bu səfər də bələdiyyə seçkilərində iştirak edəcəyəm".

Azad Demokratlar Partiyasının sədri Sülhəddin Əkbər isə qeyd edir ki, partiyasının bələdiyyə seçkilərində iştirak etmək haqqında qərarı var:

"Ancaq burada müəyyən problemlər var. Əsas problemlər də bələdiyyələrin statusunun aşağı səviyyədə olması, seçkilərdə yol verilən bəzi saxtakarlıqlardan ibarətdir. Bu səbəbdən vəziyyət o qədər də ürəkaçan deyil. Əksər partiyalarda analoji vəziyyət hökm sürür. Ancaq istənilən halda partiya rəhbərliyi seçkidə iştirakın tərəfdarıdır. Bu istiqamətdə də partiya üzvləri arasında iş aparılır ki, seçkidə aktiv iştirak etsinlər. Hələlik neçə partiya üzvünün namizədliyini irəli sürəcəyimiz məlum deyil. Partiya aktivlərinə tövsiyə edilib ki, layiqli namizədlər müəyyən edilməsi üçün nümunə göstərsinlər".

Xatırladaq ki, Vətəndaş Həmrəyliyi Partiyası seçkidə partiya olaraq iştirak edəcəyi və artıq səlahiyyətli nümayəndələri təyin etdiyi ilə bağlı rəsmi açıqlama yayıb.

Tarix
2014.10.24 / 10:26
Müəllif
Nigar İxtiyarqızı
Şərhlər
Digər xəbərlər

Qarabağdakı rus hərbçilər antiterror təlimi keçirlər

Qarabağa qaytarılan ermənilərin son sayı

Hücuma məruz qalan türk gəmisi Qabondadır - Nazir

Rusiya Ermənistan sərhədini ələ keçirir – Tam nəzarət!

Bayramovla Çavuşoğlu arasında kritik gecə zəngi

Bayramov qaçırılan türk gəmisinin kapitanı ilə danışdı

Paşinyan Əliyevin bu təklifini qəbul etsəydi... - Furman

Heç bir ölkədə Bakıdakı qədər rus məktəbi yoxdur - Zinnurov

Sərəncam: SOCAR-da nə baş verəcək? - Təhlil

Prezident xalq artistinə məktub ünvanladı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla