Ana səhifə Gündəm |
"Yalançı erməni soyqırımının 100 illiyinə 6 ay qalmış Türkiyə hökuməti ilk həmləsini yapmış görünür. Erməni əsilli qəzetçi-yazar Etyan Mahçupyan Türkiyə Cumhuriyyəti Baş Bakanının Başdanışmanı, yəni baş müşaviri, yəni baş məsləhətçisi təyin olundu".
Axar.az xəbər verir ki, bu sözləri millət vəkili Fazil Mustafa özünün Feysbuk səhifəsində erməni yazarın Türkiyə Baş naziri Əhməd Davudoğluna baş müşavir təyin olunmasına münasibət bildirərkən yazıb. Millət vəkili bu hadisənin Türkiyənin Dağlıq Qarabağ açıqlamalarında hər hansı formada özünü göstərəcəyini istisna etməyib:
"Türkiyə sadəlövh dünyanı inandıracaq ki, əgər bizdə soyqırım olsaydı, erməni əsilli biri başbakanın başdanışmanı ola bilməzdi. Bilmirəm təbrik teleqramı göndərək, yoxsa sevincimizi içimizdə boğaq. Əlbəttə, erməni də olsa, Türkiyə vətəndaşıdır, istənilən posta gətirilə bilər, ancaq verəcəyi məsləhətlərin və tövsiyyələrin nəticələrini xüsusilə Azərbaycanda ciddi təhlil etmək lazım gələcək. Anlaşılan budur ki, bundan sonra Türkiyədən gələn Dağlıq Qarabağla bağlı fikir və mülahizələrdə Mahçupyanın beyininin töhfələrini seçib arıtlamaq üçün Xarici İşlər Nazirliyimizin üzərinə xeyli iş düşəcək".
Tarix
2014.10.26 / 11:34
|
Müəllif
Axar.az
|