“Barselona”nın keçmiş müdafiəçisi və Olimpiya çempionu Abelardo Fernandes “Barsa”nın 19 yaşlı cinah oyunçusu Lamin Yamalın “Qızıl top” mükafatı ilə bağlı sözlərini tənqid edib.

Axar.az Publika.az-a istinadən xəbər verir ki, Yamal əvvəllər Kilian Mbappe ilə birlikdə ən yaxşı futbolçu olduğu üçün 2026-cı ildə ” Qızıl top” mükafatını almağa layiq olduğunu bildirmişdi.

“O, belə düşünə bilər, amma bunu deməməlidir. Çünki bu, səni ən yaxşı şəkildə göstərmir. Deyə bilərsən ki, mən ən yaxşı namizədlərdən biri ola bilərəm, amma bu mükafatı kimin qazanacağını heç vaxt bilmirsən.

Laminanın dedikləri xoşuma gəlmədi. Futbolun tanrısı olan Messinin belə bir şey dediyini heç vaxt eşitməmişəm”, - o qeyd edib.