Bu gün Ermənistanda səfərdə olan ATƏT-in Minsk Qrupunun həmsdərləri Xarici İşlər naziri Zöhrab Mnatsakanyanla görüşüb.

Axar.az xəbər verir ki, həmsədrlər - Stefan Viskonti (Fransa), İqor Popov (Rusiya), Endryu Şefer (ABŞ), habelə ATƏT-in fəaliyyətdə olan sədrinin şəxsi nümayəndəsi Anji Kaspşik ilə Mnatsakanyanın görüşündə Dağlıq Qarabağ münaqişəsinin sülh yolu ilə nizamlanması prosesi müzakirə edilib. Tərəflər gələcəkdə atılacaq addımlar barədə fikir mübadiləsi aparıb.

Qeyd edək ki, bundan öncə həmsədrlər Ermənistan Baş naziri Nikol Paşinyanla görüşüb.
İrəvandan sonra həmsədrlər Bakıya gələcəklər.