Ana səhifə Gündəm |
Ukrayna Prezidenti BMT-yə Rusiyanı BMT Təhlükəsizlik Şurasındakı veto hüququndan məhrum etmələri ilə bağlı müraciət edib. Ən gülməlisi də odur ki, Prezident Poroşenko bunu BMT-nin 6 əsas orqanından birinin rəhbərindən - BMT Baş katibindən xahiş edib.
Axar.az xəbər verir ki, bu sözləri Ədliyyə naziri yanında İctimai Komitənin üzvü, hüquq müdafiəçisi Sahib Məmmədov deyib. O bildirib ki, əslində BMT nizamnaməsində TŞ üzvləri sırasında Rusiya Federasiyasının adı yoxdur:
"Orada SSRİ-nin adı gedir. Bu boyda dövlətin prezidentinə öz ölkəsində BMT nizamnaməsinə belə dəyişikliyin mümkünsüz olduğunu izah edən tapılmayıb?! Deməli, nizamnaməyə dəyişiklik tutaq ki, Baş Assambleyada qəbul olundu. Onun qüvvəyə minməsi üçün BMT üzvü olan dövlətlərin üçdə ikisinin ratifikasiyası lazımdır. Hələ bu da heç nədir. Gərək BMT TŞ daimi üzvləri olan 5 ölkənin hamısı bunu ratifikasiya etsin. Belə fərz edək ki, BMT üzvü olan ölkələrin üçdə ikisi (əslində mümkün olmayan bir iş), lap tutaq ki, BMT TŞ üzvlərinin 4-ü də bu dəyişikliyi ratifikasiya etdi. Rusiyanın Dövlət Duması isə "yox" dedi. Nöqtə. Dəyişiklik qüvvəyə minə bilməz".
Tarix
2019.02.22 / 00:42
|
Müəllif
Firuzə Vahidqızı
|