Axar.az
Yuxarı

Prezident bəyan etmişdi: növbəti inqilabi qərar - Deputat

Ana səhifə Gündəm
12 Punto 14 Punto 16 Punto 18 Punto

Ölkə prezidentinin imzaladığı sərəncamlar Azərbaycan dövlətinin həyata keçirdiyi sosial siyasətin inqilabi xarakter daşıdığını bir daha əyani şəkildə göstərir.

Bu sözləri Axar.az-a açıqlamasında Prezident İlham Əliyevin əmək haqlarının artırılması ilə bağlı ötən gün imzaladığı sərəncamlara münasibət bildirən millət vəkili Tahir Mirkişili deyib. O bildirib ki, bu artımlar ölkədə əhalinin sosial rifahına çox müsbət təsir edəcək:

“2018-ci ildə Prezident İlham Əliyev tərəfindən aparılan iqtisadi islahatlar iqtisadiyyatda şəffaflığın səviyyəsini artırdı, iqtisadi artımın yeni mənbələrinin tapılmasına imkan yaratdı və qeyri-neft sektorunun sürətli inkişafını təmin etdi. Təbii ki, bütün bu nəticələr özünü həm də dövlət büdcəsinin gəlirlərinin artımında, inflyasiyanın kiçik olmasında, ixracın artımında və Azərbaycanın strateji valyuta ehtiyatlarının həcminin artmasında göstərdi.

2019-cu ilin dövlət büdcəsində nəzərdə tutulan vəsaitlər və 2019-cu ilin əvvəlindən başlayaraq artan büdcə gəlirləri hesabına cənab İlham Əliyevin sərəncamları ilə geniş sosial paket elan edildi. Bu sosial paket 3 milyondan çox insanı əhatə edərək, minimum əmək haqlarının, pensiya təminatlarının, təqaüdlərin, sosial müavinətlərin və s. artmasına, problemli kreditlərin vətəndaşların xeyrinə həll olunmasına səbəb oldu. Sosial paket elan edilərkən Prezident İlham Əliyev bu paketin davam edəcəyini və artan iqtisadi resursların bir daha əhalinin maddi rifah halının yaxşılaşmasına sərf ediləcəyini bəyan etmişdi. 2019-cu ilin sürətli iqtisadi artım ili olacağı da əvvəlcədən planlaşmışdı və ilin 1-ci rübünün iqtisadi yekunları bunu bir daha təsdiqlədi. Belə bir şəraitdə sosial addımların atılmasının iqtisadi əsasları da təmin edilməkdədir. Dövlət başçısının dünənki sərəncamları ilə ilin əvvəlindən elan edilmiş sosial paketin yeni mərhələsi başladıldı”.

Millət vəkillinin sözlərinə görə, əmək haqlarının 20-50% artırılması insanların maddi rifah halına mühüm dəstək olacaq:

“Yeni sərəncamlar 2 milyon vətəndaşı əhatə edir və orta hesabla maaşların 40-50% artırılmasını nəzərdə tutur. Minimum əmək haqqının 180 manatdan 250 manata qaldırılması çox mühüm addımdır. Xatırladım ki, minimum əmək haqqının yaşayış minimumundan çox olması yoxsulluq səviyyəsinin azalmasına da ciddi təsir edəcək. Digər tərəfdən dövlət qulluqçularının, müəllimlərin, dövlət büdcəsindən maliyyələşən təşkilatlarda çalışanların, hərbçilərin və hüquq-mühafizə orqanı əməkdaşlarının və s. əmək haqlarının 40% artırılması insanların maddi rifah halına mühüm dəstək olacaq. Ölkədə inflyasiya səviyyəsinin çox aşağı olması (2.3%) artımın real dəyərinin yüksək olmasına imkan yaradacaq. Bütövlükdə Prezident sərəncamları ilə əmək haqlarının artımı büdcədən əlavə olaraq 1 milyard manat vəsaitin ayrılmasına səbəb olacaq. Dövlət büdcəsinin gəlirlərinin indiki artım sürəti və həcmi sosial paketin büdcə vasitəsilə tamamilə maliyyələşməsinə imkan yaradır. Əmək haqlarının artımı həm də iqtisadi aktivliyi artıracaq”.

Qeyd edək ki, ötən gün Prezident İlham Əliyev əmək haqqının artırılmasıyla bağlı 15 sərəncam imzalayıb.

Tarix
2019.06.19 / 14:11
Müəllif
Mahir Ələkbərov
Şərhlər
Digər xəbərlər

Videogörüntüdəki müəllimə niyə töhmət verilib?

ABŞ-ın yazılı cavabına Rusiyadan ilk reaksiya

Erkin Qədirli AŞPA-da bu qətnaməyə qarşı bu cür çıxdı

Məktəblərdə "patı" satılır? - DİN-dən reaksiya

QHT rəhbərliyi Türkiyədə görüşlər keçirdi - Foto

Gürcüstanla əməkdaşlığı gücləndirəcəyik - DGK sədri

Bakı ilə münasibətlərə əhəmiyyət veririk - Varşava

İran Türkiyənin qazını kəsdi, Bakıya müraciət olundu

Pakistan XİN rəhbəri Bayramovu İslamabada çağırdı

Səbinə Əliyevadan erməni nümayəndəyə cavab

KULT
<>
Xəbər xətti
  
  
  
  
Axar.az'da reklam Bağla
Reklam
Bize yazin Bağla