Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
14 Noyabr 2019


Bu saxtakarlıq Azərbaycan polisi üçün başucalığıdır

Ana səhifə Gündəm
12 Punto 14 Punto 16 Punto 18 Punto

Məlum foto ilə bağlı saxtalaşdırmada ən çox diqqətimi cəlb edən məsələ hadisənin hansı ölkədə baş verməsi oldu.

Bu sözləri Axar.az-a açıqlamasında Teleqraf Holdinqin baş direktoru, politoloq Aynur Camalqızı sosial şəbəkələrdə Brüsseldə baş verən aksiyada belçikalı polisin xanım aksiya iştirakçısına qarşı etdiyi vəhşiliyi əks etdirən fotonun Azərbaycan polisinin adına saxtalaşdırılması barədə danışarkən deyib.

Aynur Camalqızı qeyd edib ki, bu foto-təhrif bir çox məqamları üzə çıxartdı:

“10-15 il bundan öncə ənənəvi mediada belə saxtalaşdırmalar aparanda həm inandırmaq mümkün idi, həm də daha çox ərəb ölkələrindəki zorakılıq fotolarından istifadə edilirdi. Çünki qəzetdə bu fotonun orijinalını tapmaq olduqca çətin idi, digər tərəfdən isə zorakılığı qabartmaq üçün “üçüncü növ” ölkədə baş verənlərdən istifadə edilirdi.

İndi isə saxtalaşdırma üçün yalnız Avropa ölkələrinə “üz tuta” bilirlər. Birincisi, ona görə ki, Azərbaycan polisi təchizat baxımından avropalıdır. İkincisi, “təzyiqə məruz qalan” çadralı qadın deyil, avropalıdır və ərəb ölkələri ilə müqayisə mümkün deyil.

O ayrı məsələdir ki, bu saxtakarlığın ömrü bir “tıklama” qədərdir. İnternetdən istifadə edə bilən hər kəs sözügedən fotonun üstünə bircə dəfə tıklamaqla, orijinalını tapa bilər. Deyəsən, o saxtakarlığı edənlər “mübarizə metodları” kimi, bu məsələdə də çox geridə qalıblar və 20 il əvvəlki “metodologiya”larını davam etdirirlər”.

A.Camalqızı bildirib ki, saxtalaşdırma olsa belə, belə müqayisələr Azərbaycanın bu gün nə qədər sürətlə avropalaşdığını sübut edir:

“Azərbaycan bu gün sürətlə inkişaf edir və hətta saxtalaşdırmada belə, Avropada çəkilən fotolalardan istifadə “məcburi” hala çevrilir. Çünki hüquq-mühafizə orqanlarımız da Avropa ölkələri ilə təcrübə mübadiləsi aparır. Ona görə də indiki halda Azərbaycan polisinin Avropa polisi ilə əksər istiqamətlərdə oxşarlıq təşkil etməsində təəccüblü heç nə çoxdur. Unutmayaq ki, biz özümüzü Avropa coğrafiyasının bir parçası sayırıq”.

A.Camalqızının qeyd edib ki, bu gün Azərbaycan polisi təchizat baxımından avropalı polisdən heç nə ilə fərqlənmir: oxşar uniforma, eyni akserssuar, eyni sursat, eyni avtomobil:

“Qanunsuz aksiyaların qarşısını almaq üçün istifadə edilən əşya-sursatları Azərbaycan istehsal etmir, onların hamısını Avropadan idxal edirik. Azərbaycan polisini fərqləndirən yeganə cəhət isə onun azərbaycanlı olmasıdır. Azərbaycan polisi qadını təpik altına salmaz, üzünə bibər qazı sıxmaz...”

Politoloq həmçinin vurğulayıb ki, bu saxtalaşdırmanın özü Azərbaycana, Azərbaycan polisinə fərqli bir münasibət tələb edir:

“Avropanın paytaxtı sayılan Brüsseldə aksiyaçı qadına qarşı belçikalı polisin zorakılığını Azərbaycan polisinin adına saxtalaşdırmaq istəyən saxtakar özü də bilmədən ölkəmizin Avropa dövləti ilə müqayisədə necə yüksək olduğunu göstərdi. Azərbaycanı tənqid etməyə qalxan şəxsin bu saxtakarlığı əslində Avropa İttifaqının bəyanatına yaxşı bir cavabdır. Fransada son aylar ərzində nümayişçilərə tətbiq olunan zorakılıq nəticəsində 11 nəfər ölüb, minlərlə insan xəsarət alıb, onların arasında şikəst olanlar var. Azərbaycanda buna bənzər hansısa hal yaşanıbmı?

Bu foto-saxtakarlığı AB-yə təqdim etmək lazımdır. Qoy görsünlər ki, Avropadakı zorakılığın Azərbaycanda baş verdiyi yalanı ilə kimlər kimi və niyə aldatmağa cəhd edir!

Hesab edirəm ki, bir çox məqamda, xüsusilə öz vətəndaşına qarşı humanist davranmada avropalı polislər azərbaycanlı həmkarlarından nümunə götürməli, öyrənməlidirlər. Ən azı avropalı polis anlamalıdır ki, icazəsiz aksiyaya çıxan vətəndaşını öldürmək, şikəst etmək, qadınları təpik altına salmaq Azərbaycan polisinin təsəvvür belə etmədiyi zorakılıqdır”.

Tarix
2019.10.22 / 14:51
Müəllif
Nigar İxtiyarqızı
Şərhlər
Digər xəbərlər

Komitə hərəkətə keçdi: Almaniyada tutulan şəxslər...

Müsavatın Avropadakı sədri və müavini həbs edildi – Təfərrüat

Tramp diktatorlara qapıları açdı: ABŞ siyasətini dəyişir?

Bakıya milyardlar qazandıracaq TİT: Tətbiq edilərsə...

Tramp-Ərdoğan görüşü: Tam təfərrüat... - Video

Nazirdən uşaq pulu ilə bağlı mühüm - Açıqlama

Bu ölkədə Azərbaycanın fəxri konsulluğu açıldı

Bu modelin əsas qayəsi ondadır ki... - İlham Əliyev

BMT baş katibinin xüsusi nümayəndəsi Bakıda

İslahatlarla bağlı xərclərə niyə bir milyard ayrılır? – Millət vəkili

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla