Ana səhifə Gündəm |
Prezident İlham Əliyev Baş nazirin keçmiş müavinləri - həm Əli Həsənovu, həm də Hacıbala Abutalıbovu qəbul edərkən Yeni Azərbaycan Partiyasında (YAP) dəyişikliklər məsələsində toxundu.
Bu sözləri Axar.az-a açıqlamasında YAP üzvü, millət vəkili Elman Nəsirov deyib. O, YAP daxilində müəyyən dəyişikliklər ola biləcəyini söyləyib:
“Ölkə başçısı xüsusilə Əli Həsənovla söhbəti zamanı qeyd etdi ki, siz YAP sədrinin müavinisiniz. Prezident YAP-ın fəaliyyətinin təkmilləşdirilməsi istiqamətində yeni addımların atılması məsələsini gündəmə gətirdi. Prezident söylədi ki, Baş nazirin keçmiş müavinləri YAP-ın fəaliyyətinin və mənafeyinin gücləndirilməsinə xidmət edən addımlar atmalıdırlar. Cənab Prezidentin dediklərindən bu hasil oldu ki, hakim partiyanın özündə də müəyyən təşəbbüslərlə çıxış edəcək. Prezident bunun anonsunu verdi. Düzdür, bu məsələnin detallarını biz bilmirik, amma hər halda hakim partiyanın özündə də bu və ya digər dəyişikliklərin olması ilə bağlı müəyyən fikirlər səsləndirilir”.
Tarix
2019.10.23 / 18:08
|
Müəllif
Büllurə Yunus
|