Axar.az
Yuxarı

Axar.Az Logo

“Televiziyalar bunu heç kəsin baxmadığı vaxtda verir”

Ana səhifə Gündəm
12 Punto 14 Punto 16 Punto 18 Punto

Bu gün Milli Məclisin yaz sessiyasının ilk iclasında "Reklam haqqında" yeni qanun layihəsi müzakirəyə çıxarılıb.

Axar.az xəbər verir ki, yeni qanun qəbul olunarsa, ölkə teleməkanında bir sıra yeniliklərin şahidi olacağıq.
Belə ki, millət vəkilləri televiziyalarda sosial reklamların pulsuz olmağını tələb edib.

Millət vəkili Azay Quliyev "Reklam haqqında" yeni qanun layihəsi ilə bağlı danışarkən sosial reklamların birmənalı şəkildə pulsuz olmasını təklif edib. Onun sözlərinə görə, televiziya və radio kanalları bu maddədən istifadə edərək sosial reklamları pulla yayımlamağa üstünlük verəcəklər.

Millət vəkili Qənirə Paşayeva da sosial reklamın pullu olmasının əleyhinə çıxış edib. O qeyd edib ki, sabah istənilən televiziya kanalı bu maddəni əsas gətirərək dövlət qurumları tərəfindən təqdim olunan sosial reklamların yayımlanmasından asanlıqla imtina edə bilər: "Qanun layihəsində sosial reklamın pulsuz yayılması birmənalı şəkildə öz əksini tapmalıdır".

Millət vəkili Əli Məsimli isə televiziya və radio kanallarının sosial reklamları gecə saatlarında deyil, əhalinin televiziyalara daha çox baxdığı zaman yayımlamasını məqsədəuyğun hesab edib:

"Televiziya kanalları sosial reklamları əsasən gecə saatlarında yayımlayır. Lakin sosial reklamlar gündüz saatlarında yayımlanmalıdır ki, insanlar o reklamları görsünlər və o reklamların effekti olsun".

Millət vəkili Siyavuş Novruzov isə sosial reklamlarla bağlı konkret vaxtların müəyyən edilməsini məqədəuyğun hesab edib: "Sosial reklamların yayımlanması ilə bağlı konkret vaxtlar müəyyən edilməlidir. Televiziya kanalları bu vaxtın olmadığından istifadə edir. Düzdür, televiziya kanalları sosial reklamlarla bağlı götürdükləri öhdəlikləri yerinə yetirirlər, amma səhər saat 6-da, heç kimin televiziyaya baxmadığı vaxtda".

Bildirək ki, müzakirə olunan məsələlərdən başqa yeni qanun layihəsində alkoqollu içkilərin, abortun dərman preparatlarının, hərbi təyinatlı silahların reklamı, dərs vəsaitlərinin üzərində və açıq məkanda reklamın yerləşdirilməsi ilə bağlı bir sıra qadağalar və yeni qaydalar öz əksini tapıb.

Tarix
2015.02.02 / 23:52
Müəllif
Axar.az
Şərhlər
Digər xəbərlər

Onlar Quranı götürərək ayaqyalın mehraba getdilər - Şeyx

Araikin çağırışı: Nazirlik tədbir görəcək

Azərbaycan əsgərləri Xankəndidədir - Video

Ermənilərin qənimi: Düşməni dəhşətə salan XTQ

Can Azərbaycanın Zəfər Günü... - Türkiyə XİN

Zəngəzur dəhlizi: BTQ-dən daha ucuz BNQ...

Azərbaycanın gücü Ermənistanı sülhə vadar etdi - KİV

İrəvan ağıllanmadı: Bakıya 4 şərt irəli sürdü - İnanılmaz

Fransa parlamenti də “dqr”lə bağlı qanunu qəbul etdi

Araik Bakını yenə təhrik etdi: Erməni operatorları çağırdı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla