Münhen debatından sonra baş nazirin reytinqi öz ölkəsində azalacaq.

Bu sözləri Axar.az-a eksklüziv açıqlamasında pakistanlı ekspert, geosiyasi və beynəlxalq münaqişələr üzrə mütəxəssis Malik Ayub Sumbal İlham Əliyevlə Nikol Paşinyanın Münhen Təhlükəsizlik Konfransı çərçivəsində panel müzakirəsini şərh edərkən deyib.

Hər iki liderin niqtini çox diqqətlə dinlədiyini vurğulayan politoloq Azərbaycan Prezidentinin debatdakı çıxışının açıq-aşkar erməni rəqibini üstələdiyini deyib:

“Azərbaycan Prezidenti İlham Əliyevin səlis ingiliscəsi və bədən dili dil maneəsi olan və demək istədiklərini yaxşı təsvir edə və ya təqdim edə bilməyən, bu səbəbdən gərgin vəziyyətə düşən Nikol Paşinyanla müqayisəolunmaz dərəcədə özgüvənli idi.

İlham Əliyev çox güclü və əsaslı dəlillərə əsaslanan çox güclü tarixi faktlarla sübuta yetirdi ki, Dağlıq Qarabağ Azərbaycanın tərkib hissəsidir və bu fakt hüququ cəhətdən də öz əksini tapıb. O, eyni zamanda günahsız azərbaycanlıları qətlə yetirənləri də xatırlatdı.

Azərbaycan Prezidenti Ermənistanın BMT qətnamələrinə əməl etməsi üçün daha çox beynəlxalq təzyiq göstərilməsini istədi və ən başlıcası, Dağlıq Qarabağın müstəqil ölkə olmadığını və ATƏT-in Minsk Qrupu həmsədrlərinin onu Ermənistanın tərkib hissəsi kimi tanımadığını bütün dünya ictimaiyyəti önündə xatırlatdı”.

Politoloq qeyd edib ki, Ermənistanın Baş nazirinin bu cür səriştəsizcəsinə debatda məğlub olmasına görə ölkəsinə geri qayıdarkən İrəvanda böyük təzyiqlərlə üzləşəcəyini düşünür:

“Paşinyan Dağlıq Qarabağın qanunsuz işğalı ilə bağlı erməni mövqeyini heç cür müdafiə edə bilmədi. Onun Azərbaycan Prezidenti İlham Əliyevlə debatda əks-arqumentləri məntiqli deyildi və bunun obyektiv düşüncəli bir şəxsin fikirləri olduğuna inanmaq çətindir.

Erməni siyasəti antiazərbaycan ritorikasına və nifrətinə söykənir, buna görə də Münhen debatından sonra Paşinyanın reytinqi öz ölkəsində azalacaq”.