Axar.az
Yuxarı

“Odlar yurdu”nun iqtisadi paytaxtında bir gün - Foto

Ana səhifə Gündəm
12 Punto 14 Punto 16 Punto 18 Punto

...Əslində bu "möcüzələr adası"na helikopterlə, yoxsa gəmi ilə getmək planı dəqiq deyildi. Havanın çovğunlu olması səfərimizi təxirə sala bilərdi. Ancaq Pirallahıya gedən yolda Allah üzümüzə baxdı – adada helikopter bizi gözləyirdi.

***

İlk dəfəydi ki, SOCAR və Mətbuat Şurasının dəstəyi ilə "Gənc jurnalistlərin Qış Məktəbi" layihəsinin 36 üzvü Neft Daşlarına aparılırdı. "Möcüzələr adası" birdən-birə 36 jurnalisti salamladı. Hər yanda neft daşları, buruqlar, ağır əmək, şokolad kimi qara neft və… "Odlar yurdu"nun iqtisadi xəritəsinin paytaxtındayıq.

Bizi qarşılayan Neft Daşlarında Əməyin Mühafizəsi və Təhlükəsizlik texnikası şöbəsinin rəisi Bəhlul Eyyubov adada təhlükəsizlik qaydaları barədə təlimat verdi. Sonra gəzintimiz başladı. Daha sonra Neft Daşları Neft Qaz Çıxarma İdarəsinin (NQÇİ) rəisi Qoçəli Mahmudov ilə görüş oldu. Q.Mahmudov rəhbəri olduğu idarə haqda geniş danışdı.

Bildirdi ki, Neft Daşları Abşeron yarımadasından 42 km cənub-şərqdə yerləşir və dünyanda ilk neft platformasıdır:

"Bünövrəsi 1947-ci ildə qoyulub. Bura bir növ şəhər tipli qəsəbədir və Bakının Pirallahı rayonunun ərazisinə daxildir. Xəzər dənizi səthindən azca görünən "Qara qayaların" ətrafında inşa olunub. Sevindirici haldır ki, Neft Daşları Ginnesin Rekordlar Kitabına adı ən birinci dəniz neft platforması kimi düşüb. Adada ilk dəfə 7 noyabr 1949-cu ildə 942 m dərinlikli 1№-li quyu (Qala lay dəstəsindən) istismara verilib. Bununla da ada gündə 100 ton hasilatla istismara daxil olaraq dənizdə neftçıxarmanın əsası qoyulub".

Q.Mahmudov əlavə etdi ki, 1949-cu ildən burada 1940 quyu qazılıb:

"60 milyon ton neft, 12.3 milyard metr kub qaz əldə edilib. Bu gün orada 487 quyu var. Bunlardan 452-si işlək vəziyyətdədir. Ümumilikdə hər gün 2600 ton neft anbarlara təhvil verilir".

***

Qeyd edək ki, uzunluğu 180 kilometr olan bu süni adada neftçilər üçün hər cür şərait yaradılıb. Mənzil-Kommunal Təsərrüfatı İdarəsinin rəis müavini Manaf Cavadov bildirdi ki, ümumilikdə adada 1246 yaşayış mənzilli 7 korpus neftçilərin ixtiyarındadır. Növbəli iş rejimi olduğundan 600-ə yaxın mənzil istifadə olunur. Neftçilərin səhiyyə xidmətləri də yüksək səviyyədədir. Tibbi sanitar hissəsinin baş həkiminin müavini Eldar Qurbanov poliklinikada eyni vaxtda 10 xəstənin müalicə olunduğunu dedi. Onun sözlərinə görə, əsas xəstəxana Çilov adasında yerləşir. Buradakı poliklinika müvəqqəti və təxirəsalınmaz tibbi yardım üçün nəzərdə tutulub…

Tarix
2015.02.24 / 00:48
Müəllif
Şəmsəddin Ənsar
Şərhlər
Digər xəbərlər

Bu ərazilərdən 400-dən çox erməninin cəsədi çıxarıldı

Hamı Bakının bu təklifini qəbul etməlidir - Çavuşoğlu

Erməni hərbçilər Rusiya ordusuna meydan oxudu - Video

Anadolu agentliyi Ağdamı belə görüntülədi - Video

Ermənilər Laçının neçə kəndini boşaldıb?

Prezidentdən qərar: Məişət zorakılığına məruz qalanlar...

Ordumuz qızıl yatağına niyə girdi? – Şərh

Bakıda həkimlərin maaşı bu tarixə kimi artırıldı

Rusiya Qarabağa yardımları dəmir yolu ilə daşımaq istəyir

Türkiyə partiyalarından Fransa Senatının əleyhinə - Bəyanat

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla