Azərbaycan Prezidenti İlham Əliyev Qarsda Heydər Əliyevin abidəsinə gül qoyub.

Axar.az xəbər verir ki, bu barədə informasiyanı Türkiyənin "Hürriyet" qəzeti yayıb.

TANAP qaz kəmərinin təməl qoyma mərasimində iştirak üçün Qarsa yollanan prezidenti Türkiyənin Təhsil naziri Nabi Avcı qarşılayıb. Nazirlə birlikdə Qarsdakı Heydər Əliyev parkına yollanan prezident İlham Əliyevi Qars valisi Günay Özdemir və MHP-dən olan Bələdiyyə sədri Murtaza Karaçanta qarşılayıb. Heydər Əliyevin abidəsinə gül qoyan prezident daha sonra müəyyən müddət parkda Nabi Avcı ilə gəzib. Prezident Avcıya "Buralar çox dəyişib", - deyib.

Bundan sonra isə prezident İlham Əliyev istirahət üçün Qarsın Yusufpaşa məhəlləsində yerləşən "Cheltikov" otelinə yollanıb.

Qeyd edək ki, bu gün Qarsda TANAP qaz kəmərinin təməl qoyma mərasimi olacaq. Mərasimdə Azərbaycan Prezidenti İlham Əliyevlə bərabər Türkiyə Prezidenti Rəcəb Tayyip Ərdoğan da iştirak edəcək.