Xəstəliyin daha yuxarı tənəffüs yollarında olduğu zaman buzlu şüşə sindromu aşkarlanmır.

Axar.az xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın bugünkü brifinqində deyib.

"Ağciyərlərdə buzlu şüşə sindromu ağırlaşma hallarında müşahidə olunur. Bu isə xəstənin həkimə gec müraciət etməsi səbəbindən baş verir. PSR testlər yalnız yuxarı tənəffüs yollarında virusu aşkarlayır", - o bildirib.

R.Bayramlı qeyd edib ki, ekspress testlərin ölkəmizə gətirilməsi planlaşdırılmır:

"Hazırda dünya üzrə PSR testlərin tətbiqi tövsiyə olunur. Eyni zamanda, biz seroloji testlər tətbiq edirik ki, bu testlər xəstənin daha əvvəl virusa yoluxduğunu aşkar edir".