Vaxtaşırı olaraq müzakirələrinin səviyyəsi ilə hədəfə çevrilən Milli Şura sosial şəbəkə istifadəçilərini çox da intizarda qoymayıb və öz yeni şousunu təqdim edib.

Axar.az xəbər verir ki, bu toplantıda da Milli Şuranın müzakirə edəcək mövzusu, hədəfi və intellekti olmadığı üzə çıxıb. Sanki “toplantı keçirildi” hesabatını vermək üçün “müzakirəyə” məcbur olan MıŞ üzvləri nədən danışacaqlarını bilməyiblər və maraqlıdır ki, bu söhbətdə də bir daha Azərbaycan xalqını aşağılayıblar.

Belə ki, Vidadi Mirkamal ABŞ-a sığınan Cəmil Həsənlidən ordakı karantin qaydalarının necə qorunduğu haqda soruşub. C.Həsənli isə “burda adamlar şüurludurlar, adamlara tapşırıblar, onlar da edirlər” deyə cavab verib.

Daha bir “maraqlı” detal isə “yaxşı statuslar” yazıldığı haqda rəydir. MıŞ rəhbərləri ümumilikdə fəaliyyətlərinin nədən ibarət olduğunu bu söhbətdə açıqlayırlar: yemək (“ərzaq var”), kitab oxumaq və status yazmaq.

Rəqabət də statusdan başlayır. Etiraf edirlər ki, kimin statusuna nə qədər “layk” gəlməsi əslində bu güruhun əsas həyat amali və hədəfidir - “layk”dan ruhlanırlar, “layk” üçün yaşayırlar. Hətta bildirirlər ki, kim az “layk” alırsa, ruhdan düşməsin.

Daha ətraflı videoda: